Rev 19 | TPZ | STEP | A tah vëh to hik en, köß tënan a tah to teß va non manih pa napan peo to vavapoeh ne manuh pa vöön va kin to vaëhëh va ne manih pan, “Ea se kë a ëhnan e Sosoenën! E Sosoenën pea a paeh ro to kon hah a ra, eß o maaka pea me eß e Apuh pea pareß teß me non o kikis.

Revelation of John 19

A Ma Napan Se Vaeö Pa Vöön Babiron To Ës

1 A tah vëh to hik en, köß tënan a tah to teß va non manih pa napan peo to vavapoeh ne manuh pa vöön va kin to vaëhëh va ne manih pan,

“Ea se kë a ëhnan e Sosoenën!
E Sosoenën pea a paeh ro to kon hah a ra,
eß o maaka pea me eß e Apuh pea pareß teß me non o kikis.
2 Manih pa taateß man, me a taateß totoopin peß, eß se kiiki non a ma napan.
E köövo apuh rëhrëh vëh to miröß voh a ma napan varih po oeh pa taateß rëhrëh peß, pa ö no a napan poë varih to nö kee e Sosoenën ko vasunön ne a ma sosoenën vapikpiuk.
Ivëh, ke Sosoenën piun hah keah a hat.
E Sosoenën to heß punis poan, suk eß to ip vamët voh a ma nap kiu peß, ko eraß pee takoß.”
3 Kee vaëhëh hahah kov ee maß pan,

“Ea se kë a ëhnan e Sosoenën!
O öh va pa suraß vëh to ës pa vöön apuh to pepeah tamoaan e non maß.”
4 Ko 24 teß sunön to teß ne paan e Sunön, me a tanaß tah toßtoß, ee to vatokon, pare vasunön ee pe Sosoenën to ihoß non pa ö ihihoß pa teß sunön, ko sosoe ne pan,

“Oman rakah, ea se kë a ëhnan e Sosoenën!”
5 Ka manih pa ö ihihoß pe Sosoenën, eöß to tënan a paeh teß to vaato taneß maß nën, to soe maß pan,

“Kë a ëhnan e Sosoenën pea,
eöm a ma teß kikiu pe Sosoenën,
eöm a ma teß to kë nem eah,
eöm a ma teß to teß me nem o ëhnan,
me eöm a nap hik to ëhnan,
Eöm kurus se kë a ëhnan e Sosoenën!”

A Soneß Sipsip Se Vaen, Kee Nok A Taëën Apuh

6 Köß tënan a tah to teß va non manih po vaato pa nap peo, vamanih po tamanoan va pa totruen apuh, me vamanih pa kara to kon. Eöß to pënton raoe to vaëhëh ne pan,

“Ea se kë a ëhnan e Sosoenën!
E Sunön pea, E Sosoenën A Kikis Vi, pareß teß me non o kikis. Kuru, eß to teß non a teß Sunön.
7 Kuru ea se teß vaeö rakah no,
ko kë no a ëhnaneah.
Peß o poen vaen pa Soneß Sipsip to tavus en.
Ke köövo tövaen peß to vamatop e non pa vaen. ^{▼▼A Soneß Sipsip se vaen me e köövo peß, eß a soe vapipinoß va pe Ieesuß Kristo se hah maß pa kon a napan pe Kristo, kee nö ko teß vaßpeh tamoaan me ne poë.}
8 E Sosoenën to heß poan o ohop vih maaka, kakaare, matan vavih,
keß ohop en.”
O ohop kakaare matan vavih pamëh, to vëknöm non a taateß vih no a napan pe Sosoenën to nonok ne.

9 Ka ankeroß soe ka neöß pan, “Kiun töön a soe vëh, ‘Vaeö rakah pa ma napan varih ne Sosoenën to vaoe manih pa taëën apuh va po vaen va pa Soneß Sipsip.’” Pareß soe pet en pan, “A soe vëh, eß a soe vamaman pe Sosoenën.”

10 Ivëh, köß vatokon pa havin mon a ankeroß pa vasunön eah, ivëhkëk, eß to soe ka neöß pan, “Eën se koe a nok va nën! Suk, eöß a meh teß kikiu varoe to teß va e noß pën, me a ma kea pën varih to vaman ne e Ieesuß, ko vavatvus nem a ëhnaneah. Eën se vasunön varoe nom e Sosoenën a paeh! Suk a Tuvuh Vasioß pe Topoan to kunkuin non o teß vanënën soe pa vatvus a soe pe Sosoenën, me o teß varih to vatvus ne a ëhnan e Ieesuß.”

A Teß To Tok Pa Hös Kakaare

11 Eöß to ep in o hopaß va pa vöön va kin to taperet ka hös kakaare tavus maß. Ka teß to ihoß non pa hös a ëhnaneah ivëh, “A Teß To Matop Non A Taateß Totoopin Varoe, Me Eß To Matop Vavih Non A Kiu Peß.” A taateß kiiki peß manih po vapus, me manih pa ma hat pa napan, eß to vavatet non sih a taateß totoopin rakah. 12 A mataneah to ësës va non manih po suraß, pareß teß me non a ma uvan peo va pa teß sunön manih pa pasuneah. Manih pa sionineah, o pöh ëhnan to teß non no a hikta meh teß to nat non, eß varoe a paeh to nat non. 13 O ohop vëh neß to ohop non no o eraß to pupui voh, ^{▼▼O eraß vëh to taneß voh maß po teß varih neß to vakihat me non, ko eraß pee takoß voh manih po ohop peß.} kee pokaß ne poë, “A Soe Pe Sosoenën.” 14 A nap vëvënsun va manuh pa vöön va kin to tok pa ma hös kakaare pee ko suksuk nö ne poë, ko ohop ne a ma ohop kakaare voon matan vavih vörep. 15 O rapis rë kakakni to huh tavus taneß no maß pa rivoneah. Eß se ip vamët a ma vuteß varih to vakihat me ne poë po rapis rë pamëh. Eß to teß me non o kikis pa matop a ma napan varih po oeh, eß se vakmis a ma napan varih to këh voh e Sosoenën, a tah pamëh to varës non poan. 16 Manih po ohop peß, me manih pa moneah, o kiun vëh to teß non,

SUNÖN VA PA MA VU SUSUNÖN, ME TOPOAN VA PA MA TEß TOTOPOAN.

17 Köß ep in a ankeroß to sun non matan a potan, to vavaoe non o növan kurus varih to nönö va ne manih akis, pan, “Eöm se nö maß ko vatönun manih pa taëën apuh ne Sosoenën to vamatop! 18 Eöm se nö maß, paröm ëën o raraun sioniiro teß susunön to mët voh, me a nap susun va pa nap vëvënsun, me a nap vëvënsun, me a raraun i ro hös, me a napan to tok ne po hös, me a ma napan kurus, me a nap taihan, me a nap kikiu akuk, me a napan varih to teß ne o ëhnan, me a napan hikto ëhnan.”

19 Köß ep in a tah poa, me a ma nap susunön va po oeh, me a ma nap vëvënsun pee to vatönun. Ee to iu vapus me ne a Teß vëh to ihoß non pa hös vaßpeh me a ma nap vëvënsun peß. 20 A tah poa vaßpeh me a teß vanënën soe pikpiuk, eß to vanö en pee pa nohnoh. A teß vanënën soe pikpiuk pamëh to nonok ke non a tah poa a ma tah vatoksean. Ka manih pa taateß pamëh, eß to pikpiuk voh non a ma napan, kee kon o vëknöm va pa tah poa, me a ö nee to kë voh ne a tah nößnës va peß. A tah poa, me a teß vanënën soe pikpiuk, no a Teß vëh to ihoß non pa hös kakaare to vi toßtoß en na pee pon manuh pa koveß suraß ororan to ësës tamoaan non po vös salpaß. 21 Ka teß vëh to tok non pa hös, to ip vamët en pa nap vëvënsun po rapis rë vëh to taneß no maß pa rivoneah. Ko növan mahun rakah ee pa ëën a ma sioniira ma nap vëvënsun poë varih.